fresh
مرحبا بك زائرنا الكريم في منتديات فريش


اكبر منتدى ترفيهى
 
الرئيسيةالرئيسية  التسجيلالتسجيل  دخولدخول  

شاطر | 
 

 للبنات بـــــــــس ازاى تستعدى لمقابلة شخصية (انترفيو)؟؟؟

اذهب الى الأسفل 
كاتب الموضوعرسالة
احلى منهم
مشرف
مشرف
avatar

عدد الرسائل : 129
الموقع : لحد دلوقتى بيتنا
المزاج : الحمد لله لسه محدش بيضايقنى
نشاط عضون :
26 / 10026 / 100

تاريخ التسجيل : 13/10/2008

مُساهمةموضوع: للبنات بـــــــــس ازاى تستعدى لمقابلة شخصية (انترفيو)؟؟؟   الجمعة أكتوبر 17, 2008 5:06 am



[b]قاعدة في البيت ولابيكي ولا عليكي وفجأة ضرب جرس التليفون وجات لك المكالمة اللي مستنياها من زمان...
ألوو.. أيوه من فضلك يا ريت تشرفينا علشان اتحدد لك يوم الإثنين علشان تعملي مقابلة شخصية مع المدير المسؤول ....

أكيد ساعتها فرحتي وبعد شوية قعدتي بينك وبين نفسك تفكري يا ترى تعملي إيه؟! وتلبسي إيه؟!وتتصرفي إزاي؟!
وطبعا في الوقت ده محتاجة أي حد يساعدك ويجاوبك على كل الأسئلة اللي بتدور في دماغك...
ولأننا جنبك في كل الأوقات والمناسبات
قررنا نكون معاكي في المناسبة السعيدة دي
بصى يا ستى الخطة كالتاتى:

شوفي يا قمر لازم في الأول تشوفي هتلبسي إيه لأن بيني وبينك كده مش أي لبس ينفع تلبسيه وأنت رايحة... مش كده وبس ده أنت لازم تهتمي بكل التفاصيل التانية الصغيرة قبل الكبيرة زي إكسسوارك اللي هتلبسيه وماكياجك وحاجات تانية كتير وده لأن نجاح المقابلة الشخصية بيعتمد بنسبة 70 % على مظهرك ولبسك وعلشان كده عايزاكي تهتمي بنفسك وبمظهرك اللي هتكوني بيه...
طبعا دلوقتي أنت احترتي أكتر بس متخافيش أنا هقولك دلوقتي واحدة واحدة ازاي تهتمي بمظهرك..
أولا:بالنسبة للبس
أكيد طبعا مش أي لبس عندك في الدولاب ينفع تروحي بيه المقابلة الشخصية دي وده لأن المقابلة الشخصية بتحتاج لملابس رسمية زي مثلا "بدلة كاملة" عبارة عن "بنطلون وجاكيت" أو "تايير" عبارة عن "جاكيت وجوب" أو طقم عبارة عن "جوب" عليها "بلوزة كلاسيك" أو "جاكيت" أو "بنطلون كلاسيك" وعليه "بلوزة كلاسيك" أو" جاكيت كلاسيك"...
وطبعا مش محتاجة أقولك إنك ما تحاوليش تفكري إنك تلبسي جينز نهائي لأنه مش مناسب في المقابلات اللي زي دي.
وبخصوص الألوان اللي المفروض تختاريها في البدلة اللي هتلبسيها فهي..
الأسود وممكن تكسري حدة اللون الأسود بإنك تلبسي تحت الجاكيت بلوزة أو بادي أبيض أو موف
او نبيتى غامق وبنى بدرجاته غامق وفاتح والرمادى بدرجاته الغامق والفاتح

والكحلى بدرجاته قمة ف الشياكة وكمان عندك الموف الغامق ملائم جدااااا
وخدي بالك لازم تبعدي في اختياراتك عن الملابس اللي فيها أي لمعة أو تطريز، وتبعدي كمان عن الملابس المفتوحة يعني من الآخر كده اختاري ملابس حشمة لأن زي ما قلنا ملابسك هي اللي هتدي الانطباع عنك وعن شخصيتك

ثانيا:بالنسبة للشنطة والحذاء
طبعا أنت عارفة إن الشنطة والحذاء لازم لونهم يكون مناسب للون الطقم اللي هتلبسيه أو على الأقل تلبسي حذاء وشنطة لونهم "أسود" لأن اللون الأسود بيليق على كل اللبس..
وابعدي نهائي عن الحذاء والشنطة اللي لونهم ذهبي لأنهم غير مناسبين في المواقف اللي زي دي..كمان ابعدي عن الأحذية الرياضية لأنها هي كمان مش مناسبة.

وخدي بالك لازم تهتمي بنظافة الحذاء كويس قبل ما تدخلي للمقابلة الشخصية دي، ويفضل دايما إن الحذاء اللي هتلبسيه يكون مقفول من قدام ومن وراء وغير مفتوح.
ولازم تلبسي شراب طويل واوعي تلبسي شراب صغير لأنه بيكون مش مناسب وأفضل ألوان الشرابات المناسبة في الوقت ده هو "الأسود" أو"البيج".

ثالثا:بالنسبة للإكسسوارات
مش عيب إنك تلبسي إكسسوارات في المقابلة دي بس العيب إنك تكتري من الإكسسوارات دي أو إنك تلبسي إكسسوارات بأحجام كبيرة علشان كده يا ريت وأنت بتختاري إكسسوارات تختاريها بسيطة جدا وتكون عبارة عن كوليه بسيط أو سلسلة صغيرة وخاتم ويكون حجمهم صغير وابعدي عن الاكسسوارات اللي فيها ألعاب تعمل صوت وأنت بتحركي إيدك ومش محتاجة أقولك إن لون الإكسسوارات دي لازم يكون مناسب للون اللبس اللي أنت هتلبسيه..
رابعا:بالنسبة لتسريحة الشعر أو الحجاب
شوفي يا قمر لو كنت مش محجبة يبقى ماتحاوليش تفردي شعرك في اليوم ده ويا ريت تلميه أو تعمليه ديل حصان..
لكن لو كنت محجبة يبقى ماتحاوليش تلبسي أكتر من طرحتين مع بعض وخدي بالك إنك تختاري الطرح أو الإيشاربات اللي ألوانها هادية وتكون في نفس الوقت مناسبة للون لبسك وابعدي نهائي عن الطرح أو الإيشاربات اللي فيها تطريز كتير.

خامسا: بالنسبة للماكياج
طبعا مش محتاجة حد يقولك إنك لو كنت هتحطي ماكياج يبقى خلي ماكياجك خفيف وبلاش تكتري منه وكفاية قوي إنك تحطي "روج لونه بني وكحل أسود أو أزرق...
وبالنسبة للبارفان يفضل برضه إنه يكون خفيف وبلاش البارفان المركز ويا ريت ما تحطيش مانيكير لأن فيه ناس كتير مش بتحبه وممكن ده يكون سبب لا قدر الله في إنك ما تتقبليش في الوظيفة دي.

سادسا:بالنسبة للنظافة بشكل عام
لازم تهتمي بنظافة بشرتك ونظافة ملابسك ونظافة أظافرك ونظافة أسنانك وفمك لأنهم كمان بيدوا انطباع عنك..

[/b]
الرجوع الى أعلى الصفحة اذهب الى الأسفل
nona
نائب المدير العام
نائب المدير العام
avatar

عدد الرسائل : 389
نشاط عضون :
60 / 10060 / 100

تاريخ التسجيل : 21/12/2007

مُساهمةموضوع: رد: للبنات بـــــــــس ازاى تستعدى لمقابلة شخصية (انترفيو)؟؟؟   الأربعاء نوفمبر 12, 2008 4:10 pm

احلى منهم

مشكوووووووووووره على الافاده
تقبلى مرورى
الرجوع الى أعلى الصفحة اذهب الى الأسفل
احلى منهم
مشرف
مشرف
avatar

عدد الرسائل : 129
الموقع : لحد دلوقتى بيتنا
المزاج : الحمد لله لسه محدش بيضايقنى
نشاط عضون :
26 / 10026 / 100

تاريخ التسجيل : 13/10/2008

مُساهمةموضوع: رد: للبنات بـــــــــس ازاى تستعدى لمقابلة شخصية (انترفيو)؟؟؟   الخميس نوفمبر 13, 2008 1:55 pm

نورتينى يا نونا
اتمنى تكونى استفدتى حاجة جديدة من الموضوع
الرجوع الى أعلى الصفحة اذهب الى الأسفل
سـ ـأسـ ـو
مميز بلا حدود
مميز بلا حدود
avatar

عدد الرسائل : 870
العمر : 28
الموقع : http://fresh.mam9.com
نشاط عضون :
0 / 1000 / 100

تاريخ التسجيل : 18/05/2009

مُساهمةموضوع: رد: للبنات بـــــــــس ازاى تستعدى لمقابلة شخصية (انترفيو)؟؟؟   الأحد مايو 31, 2009 11:00 am

يسلمووووووووووووووووووووووا
الرجوع الى أعلى الصفحة اذهب الى الأسفل
 
للبنات بـــــــــس ازاى تستعدى لمقابلة شخصية (انترفيو)؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
fresh :: الأسرة مع فريش :: عالم حواء-
انتقل الى: